माघार

कळतंय मला तुझे वागणे

अस अचानक सारेच तोडणे
मान फिरवून जाताना हळूच
येणाऱ्या अश्रूला पुसून टाकणे

पण किती वेडा तू
समजलास नाही कधी
येते का माघारी
परतून वाहणारी नदी

तिचे नाते सागराशी
ते ना कधी संपायचे
त्याच्यातच अस्तित्व तिचे
त्यातच हरवून जायचे

तुला ना जमले कधी
विसरणे मीपण स्वताचे
येताच क्षण संघर्षाचे
ठाऊक माघारी फिरायचे

काही नाती असतात अशी
सोबतीस जशी श्वासांची दोरी
सरते नाते ना संपते परी
कधी आठवणींची शिदोरी

आंतरजालावरून साभार - ई-मेल फॉरवर्ड - आभार - लेखक / कवी